廣州美博會今年嘅變化真係好大，因為內地最近大力打假，幾乎全部高仿機都絕跡，同上年高仿機係主角嘅情況完全相反。
其實業界人士好值得去廣州美博會。首先你可藉此了解中國嘅潮流，再去選擇你嘅策略去吸引內地客戶。
第二，其實好多內地儀器質素都唔差，尤其係一啲已經發展成熟的技術，我一向建議客戶值得考慮，的確價廉物美。例如磨皮啊補水等等。呢啲相對簡單嘅技術，中國儀器嘅質素亦都唔錯。
第三，如果自我設限，覺得自己做開歐美嘅儀器，就完全唔去了解其他國家嘅儀器，情況就似10年前唔去研究韓國儀器一樣，最後只會令公司追唔切一個韓國儀器既潮流，嚴重影響公司的營運。
醫美生意總要有啲項目只係用黎令客戶不斷有原因光臨，不可能每個都係高價嘅項目。如果唔係用嚟做廣告招新客，內地機的確係一個價廉物美嘅選擇。