美容是充滿機會嘅行業，即使屋邨美容院幾位美容師都可能每人收入近十萬，的確是不錯的出路。
想在此行業搵到更高人工？首先要知每間美容院嘅營商手法都有分別，當然都係多勞多得，但因應興趣同能力，透過以下分類幫助大家找尋最有錢途嘅工作。如附表。
美容院分開自己搵客或公司提供客戶。如果公司提供客戶給顧問及美容師分工，通常顧問佣金基本是工錢的兩倍左右，再看業績遞增，一般連鎖店都會這樣。顧問嘅工作是每日見20個客左右，每日報數是基本工作，比較大壓力，但無論成長還是前途都很好，而且勤力基本已經可以做到，更唔需要本身客戶網絡，亦可短期內學到最多最有價值嘅嘢，憑努力亦可上到4至6萬月薪，如更上層樓可以選擇帶Team，再上到更高的人工。建議初入行者嘗試這些工作。
如果客戶是由公司提供但由你全程跟進，一般都會比較高佣金，可以是顧問的三倍嘅佣金。全程自己跟進可以同顧客建立更好關係及專業形象。這種近乎自雇模式收入一般都較高。對於這些美容師來說時間最寶貴，最好擁有50個穩定客戶，再集中精力招待最高消費嘅客戶，並希望他們轉介朋友，再淘汰比較低消費嘅客戶，這模式便可增值自己嘅時間。如果在這行業打滾了一段時間又未想自己開鋪的人就最適合。
如果全程由搵客到落手做都由你一手包辦，這當然分最多佣金，這類美容師同老闆是近乎係合夥形式去做。
無論邊個方式，都有無數成功每月收入5萬以上嘅同業，所以應因應能力同興趣去選擇。
此外，美容院還分醫美或傳統美容，醫美簡單定義是指只可醫生操作嘅療程，即是針劑及埋線，這類項目技巧性強，收費亦比較高，顧問較容易開到大單。相反傳統美容以量取勝，不停跟客戶見面則比較容易取得客戶信心。無論如何，學習更多知識一定令自己更有價值獲得更好錢途。醫美亦係發展好快嘅新興行業。大家多點交流學習，自然有更好的錢途。💵💵